Сұрақ: Саусақты шытырлатуға бола ма?
Дастан Жанғалиев.
Шариғи тұрғыда:
Құрметті Дастан, мына үш жағдайда саусақты шытырлату – мәкрүһ:
- Намаз оқып тұрған уақытта[1];
- Мешітте намаз уақытын күтіп отырған мезгілде[2];
- Арнайы намаз оқу үшін мешітке шыққан кезде.
«Бұдан тыс уақыттарда, қажет болып жатса саусақты шытырлатудың күнәсі жоқ. Қажетсіз кезде шытырлату - жеңіл мәкруһ» - деген дін ғалымдары[4].
Медициналық тұрғыда:
Ортопед-травматологтар саусақты шытырлатудың зияны бар деп есептейді. Ол буындардың бұзылуына алып келеді екен. Саусақ шытырлату – буындардың босауына әкеліп соғады. Буындары тайғыш келеді. Тіпті «артрит-шорбуын» сырқатына шалдығуы да мүмкін деген болжам бар.
[1] Ибн Мәжә, Насбур Риуая.
[2] Сахих Бухариде келген бір хадисте:"لاَ يَزَالُ العَبْدُ فِي صَلاَةٍ مَا كَانَ فِي المَسْجِدِ يَنْتَظِرُ الصَّلاَةَ مَا لَمْ يُحْدِثْ - Пенде мешітте намазды күтіп отырған болса, оның дәреті бұзылмайынша, намазда деп есептеледі", - делінген. (Бухари, Китабул Удзу. №174 хадис.).
[3] Ахмад ибн Ханбәл; әт-Тирмизи.
[4] Ибн Ғабидин, Раддул Мухтар – 2/409 бет. Китабус сала.
Абдусамат Қасым
