Он сегіз мың ғаламның Раббысы Ұлы Алла Мұса пайғамбарға: -Ей, Мұса! Маған күнәсіз ауызбен дұға ет, - деп бұйырады. -Уа, Раббым, менде ондай ауыз жоқ қой, қалайша саған күнәсіз ауызбен дұға етейін? – дейді Мұса ғалейһиссәләм. Сонда Алла Тағала: - Басқалардың аузымен дұға еткін. Себебі, басқалардың аузымен күнә істемейсің. Сондай ізгі іс жасағын, ел-жұрт күндіз-түні саған дұға етумен болсын. Немесе өз аузыңды тазала. Алланың аты таза. Алланы зікір еткен ауыз тазарады, - деп бұйырыпты. «Мәснәуи Шәриф». Мәуләна Ж. Руми.©️ islam.kz

  "Негізгі болмысың ойдан тұрады. Қалғаны - ет пен сүйек. Гүл ойласаң гүлістансың, тікен ойласаң тікендісің". Мәуләна Жәләлуддин Руми

  "Құран аяттарына: 1. Көзіңмен қарасаң, жазуды көресің  2. Ақылмен қарасаң, ілімді көресің  3. Жүрегіңмен қарасаң, махаббатты көресің  4. Бүкіл жан-дүниеңмен қарасаң, Алланы көресің!"                                                                              Мәуләнә Жәләлуддин ар-Руми

"Күні кеше зерек едім, әлемді өзгерткім келді. Ал, бүгін данамын, өзімді өзгерткім келеді!" (Арабашасында: "Cондықтан өзімді өзгертемін" делінген). Жәләлуддин ар-Руми 

1. Білгеніңді жеткіз, бірақ ақыл айтуға талпынба. 2. Айтылған нәрселерге құлақ сал, бірақ бәрін дұрыс екен деме. 3. Ұмытпа! Үнсіздік надандықтың, көп сөзділік білімділіктің нышаны емес. 4. Бір кісіні төмен санау ақымақтық, өте жоғары санау да кейде қорқақтық.  5. Батылдық ақылдылықтан туса – батырлық, ал ақымақтықтан туса – надандық".

  Мәуләнә Жәләлуддин ар-Руми былай дейді: "Кілемді сабалаушының мақсаты - ұру емес, шаңын қағып тазалау. Тура сол сияқты, басқа түскен қиындық арқылы да Алла тағала бойға біткен шаң-тозаңды қағып, тазалайды. Ендеше, неге сонша қайғыланасың?!"

Күндердің күнінде ғалым әрі сопы Мәуләнә Жәләлуддин әр-Руми, өз дінін уағыздап тұрған шіркеу әкейін көреді де жақындап келіп:- Сен үлкенсің бе, сақалың ба?, - деп сұрайды. Сұрақтың мәнісін түсінбеген шіркеу әкейі: - Мен сақалымнан 20 жас үлкенмін - деп жауап береді. Сонда Мәуләна:- Сенен 20 жас кіші бола тұра сақалың ағарыпты. Сен болсаң әлі қараңғы түнектесің, - деген екен.

1. Жомарттық пен көмек жасауда аққан су сияқты бол 2. Мейірім мен қайырымдылық танытуда күн сияқты бол 3. Өзгелердің қателіктерін жасыруда түн сияқты бол4. Ашу мен ыза қысқанда өлі сияқты бол 5. Кішіпейілділік танытуда топырақ сияқты бол 6. Шыдамдылық танытуда теңіз сияқты бол7. Кім болсаң о бол: не болғаныңдай көрін, не көрінгеніңдей бол!

  Бір кісі Мәуләнә Жәләлуддин ар-Румиден сопылық жолындағы ұстазы жайында былай деп сұрайды:- Сіз ұстаздардың ұстазы болатұра неге мына дәруішке шәкірт болдыңыз? Шәмсі Тәбризиден не үйренуге болады сонша? Сонда Мәуләнә: -Е, одан өмірлікке жетер бір нәрсе үйрендім. Шәмсіні кездестірместен бұрын ашыға қалсам бір табақ сорпа ішетінмін, соған қарным тоятын. Денем мұздап тоңа қалсам ошаққа бір шама шырпы жағатынмын, соған денем жылып қоя беретін. Ал, қазір дүниедегі бар сорпаны ішсем де тоймаймын. Неге десең, әлемде аш жүргендер көп. Әлемдегі бар отынды жақсам да тоңған денем...

"Сүйіктім! Мен мәжнүн емеспін, бірақ шақырсаң шөлейтке болса да барамын. Саған жалаң аяқ емес, жинақталып, жалындап барамын. Есігіңді қаққанда "КІМ БҰЛ" десең "МЕН" ретінде емес, "СЕН" болып барамын. Тек "кел" десең жеткілікті. Тіпті жолға да жүк болмай, жолдың өзі боп барамын". Ойшыл, сопы Мәуләна Жәләлуддин ар-Руми. (м.1207-1273 ж.ж.).