Шәууәл айындағы 6 күндік оразаны 3 күн айт біткесін ұстаймыз ба?
Шәууәл айындағы 6 күндік оразаны 3 күн айт біткесін ұстаймыз ба?

 

Ораза айттың бірінші күні ешқандай ораза ұсталмайды. Айттың екінші күнінен бастап нәпіл немесе қаза оразаларды ұстай беруге болады.   

Ораза ұстауға тыйым салынатын күндерді атап өтер болсақ:
1. Шәууәл айының бірінші күні, яғни ораза айттың бірінші күні ораза ұстауға тыйым салынады. Екінші күнінен бастап, қандай да бір оразаға рұқсат.
 
2. Зүл Хижжә айының 10, 11, 12 және 13 күндері ораза ұсталмайды. Дәлірек айтқанда Құрбан айттың бірінші күні және одан кейінгі үш күн, яғни тәшриқ күндері.
 
Әбу Дәуідтің хадистер жинағында келтірілгендей Әзірет Омар (р.а.) айт намазын құтпадан бұрын бастап, одан кейін былай деген екен: «Шынында Алла елшісі мына екі күні ораза ұстаудан тыйды: (Құрбан шалатын күн және Ораза айтының бірінші күні) Өйткені Құрбан айт күні құрбанға шалған малдарыңның етін жейсіңдер. Ал, Ораза айт күні (бірінші күні) – ауыз ашасыңдар».
Тәшриқ күндері ораза ұсталмайды дегенге келер болсақ, сахаба Ұқбә ибн Ъамирдің айтуынша Пайғамбарымыз (с.а.у.) былай деген: «Арапа күні, құрбан шалар күні және тәшриқ күндері мұсылман жұртшылығының мейрам күндері боп саналады. Ол күндер – ішіп-жейтін күндер»[1].   
 
ЕСКЕРТУ: «Арапа күні» ораза ұстауға рұқсат берген өзге хадисті де назарға ала отырып, хадисші ғалымдар: «Жоғарыдағы хадистегі «арапа күнгі» тыйым ол қажылық парызын өтеп жатқан кісіге қатысты. Өзгелерге арапа күні ораза ұстау - сауапты»,  - дейді[2].

[1] Тирмизи сүнәні – Китабус саум - №773 хадис.
[2] Тухфәтул Әхуәзи (Тирмизи шархы) – Китабус саум - №773 хадис түсіндірмесі.

Абдусамат Қасым
 
Абдусамат ҚасымАбдусамат Қасым
5 жыл бұрын 3856
3 пікір
  • Онда неге 3 күн айт деп айтылады ? Сосын
    Айт намазынан кейін ауыз ашамызба?
    16-нан 17сіне қараған түні сәресі ішілема?
    5 жыл бұрын
    • 3 күн дегені бізде қалыптасып қалған нәрсе. Негізі Исламда Ораза айт-1 күн. Сәресі ішілмейді. Пайғамбарымыз (с.а.с.) Ораза айттың намазына шығарда құрма жеп баратын. Ал Құрбай айттың намазынан кейін ғана жейтін. (Ислам ғылымхалы, Н.Анарбаев)
      5 жыл бұрын
    • 1.Халық арасында сондай түсінік қалыптасып қалған. Негізінде Ораза айты - бір күн.
      2.Ертен, яғни, 16-нан, 17-не қараған түні сәресі ішпейсіз. Ол күні ауыз ашық болады. Тіпті айт намазына шықпас бұрын үйіңізден дәм татып шыққаныңыз сүннетке сай болмақ. Бұл жайында сахаба Әнәс ибн Мәлик былай дейді: «Пайғамбарымыз айт күні бірнеше құрма жемей (мешітке) шықпайтын»
      5 жыл бұрын
Блог туралы
0
927860 349 725 19450 296