Деймін да...! 
Соңғы кездері ғаламтор беттерінде жарияланатын қазақша жаңалықтарда "былапыт, бейпіл сөздер" ішінара болса да кездесіп жататын болды (Мысалы, "с... жихад" т.б.). 
Журналист қауымы, сіздердің міндеттеріңіз халықты жақсы бағытқа бастап, барынша мәдениеттілікке баулу болуы тиіс. Өйткені, біз сіздердің жазып, ұсынып бергендеріңізді оқимыз. Сіздер жазбаны қай бағытқа бұрып жазған болсаңыздар, біз де сол бағытқа қарай көбіне кетіп жатамыз. Сондықтан, жаңашырлықпен қараған дұрыс. 
Бірінші кезекте "сөйлеу этикасына" аса қатты маңыз аудару керек. Мәдениеттіліктің басы - "ауыздан шыққан сөз". Егер, ауыздан "ақ ит кіріп, қара ит шығып жатса" және "ЕҢ ҚОРҚЫНЫШТЫСЫ" сол сөздерді "ӘДЕПСІЗДІК ЕМЕС" деп есептеп, әдеттегі нәрсеге жатқызса, онда, бұл қоғамның рухани аза бастағандығының бір белгісі. 
Ал, енді, сіздер (журналистер және жазушылар) күнде былапыт, боғауыз сөздерді қосып, халықтың "КӨЗІН", "ҚҰЛАҒЫН" (арғы жағына ұңілер болсақ "АР-ОЖДАНЫН") ҮЙРЕТІП жатсаңыз, бұл жаңашырлық емес, "ДҰШПАНДЫҚ" дер едім...
(ЕСКЕРТУ: Шынымен-ақ, елім, жерім деп барынша жаңашырлық танытып жүрген журналист ағаларымыз, інілеріміз бар. Бұл жерде, сөзім оларға емес).
Төмендегі суреттегі "С..." сөзінің орнына қазақ тілінде басқа баламасы құрып қалыпты ма, сонда? Бар ғой, тіліміз Құдайға шүкір, өте бай. Ол сөзді сыпайы, мәдениеттілікпен жеткізетін сөздер бар емес пе? Мына жерде Нур.кз жігіттерінің "Имам с...." деп ұялмай айтуға қалай ауыздары барды екен? #деймінда